طاہرسعودکرت پوری
تم اپنی رائے مت دینا، تمہارا تجربہ ہے کم من آنم کہ من دانم
مجھےمعلوم ہےکیا ہوں،کوئی شعلہ ہوں یا شبنم من آنم کہ من دانم
کہیں سرگم،کہیں چھم چھم،کہیں کچھ ضم کہیں کچھ ضم،مستحکم ہیں سارےغم
جہانِ جسم میں ہردم رواں ہیں سیکڑوں موسم من آنم کہ من دانم
کبھی آئینہ از خود بھی تو دیکھ اے آئینہ والے! مستعفی نہ ہو خود سے
نمی دانم، نمی دانم نہ رٹ دم دم؛ کہ کہہ یکدم: من آنم کہ من دانم
ارے راہی! مجھے منزل سےمنزل کو ملانا ہے،تھک کر بیٹھ سکتا ہوں؟
مرےچھالوں کو پڑھتا ہےمسلسل رقص بیں! رقصم من آنم کہ من دانم
تمہارا شکریہ،صد شکریہ،کوشش تو فرمائی قلبِ یار کی خاطر
مجھےادراک ہےیارم،کہ مرا زخم لامرہم من آنم کہ من دانم
مسلسل آبخورے لمسِ عشقی سے منور ہیں،ابرِ غم، ذرا محتاط!
مری آنکھوں میں بینائی نہیں،اب ہےفقط عشقَم من آنم کہ من دانم
یہ مجھ میں رقص کرتی دھڑکنوں کی تھاپ کےلب پر ہم دم کیسا نغمہ ہے
دمادم دم،کہ من آنم کہ من دانم دمادم دم،من آنم کہ من دانم
تمہاری آنکھ کے اردو ادب سے خوب واقف ہوں، سلطانُ النّظر ہو تم
میں ٹھہرا فنِ عشقی میں بھی نوآموز سا آدم، من آنم کہ من دانم
جنونِ چاک دامانی پہ اپنی، ناز کر طاہر! دکھ میں مبتلا کیوں ہے؟
کسی نے خواب میں آ کر کہا اک شب، کہو جانم! من آنم کہ من دانم
